1 րոպեի ընթերցում
ԵՐԵՎԱՆ, 5 ՀՈՒԼԻՍԻ, ԱՐՄԵՆՊՐԵՍ: Կանադացի մի տղամարդ մահացել է՝ փորձելով պաշտպանել իր երեխաներին հազվագյուտ բևեռային արջի հարձակումից Կանադայի հյուսիսում: «Արմենպրես»-ի փոխանցմամբ՝ այս մասին տեղեկացնում է BBC-ն:
31-ամյա Արոն Գիբոնսն այդ ժամանակ եղել է ձկնորսական և որսորդական հայտնի վայրում՝ Հուդսոն Բեյի արևմտյան ափին։ Ազգականը պատմել է, որ նա մահացել է հերոսաբար: Աղջիկներին ասել է, որ փախչեն մինչ ինքը նետվել է երեխաների և արջի միջև:
Երեխաները չեն վնասվել, բայց Գիբոնսը մահացել է հարձակման պատճառով։ Մեկ ուրիշ պատանի ավելի ուշ կրակել և սպանել է հազվագյուտ արջին: