368.18
Արսեն Թորոսյանը հավաստիացնում է. անցումը էլեկտրոնային առողջապահության համակարգին կլինի շատ սահուն և դանդաղ
1 րոպեի ընթերցում
ԵՐԵՎԱՆ, 16 ՀՈՒՆԻՍԻ, ԱՐՄԵՆՊՐԵՍ: Հայաստանում անցումը էլեկտրոնային առողջապահության համակարգին կլինի շատ սահուն և դանդաղ՝ առանց որևէ պարտադրանքի, բոլոր ռիսկերը մաքսիմալ հաշվի առնելով: «Արմենպրես»-ի հաղորդմամբ՝ այս մասին «Լոֆթ» ինքնազարգացման ու ժամանցի կենտրոնում հանդիպում-զրույցի ժամանակ ասաց ՀՀ առողջապահության նախարար Արսեն Թորոսյանը, ով բավական դրական է վերաբերվում այդ համակարգին, համարելով, որ առանց դրա դժվար կլինի որակյալ և ժամանակակից առողջապահություն ունենալ: «Անցյալ տարի ՀՀ-ն 15 տարով պայմանագիր էր կնքել մի ընկերության հետ էլեկտրոնային առողջապահությունը Հայաստանում կազմակերպելու համար: Այդ ընկերության հետ մենք կոնստրուկտիվ համագործակցում ենք»,-ասաց Թորոսյանը:
Անդրադառնալով էլեկտրոնային դեղատներին, գերատեսչության ղեկավարն ընդգծեց, որ կառավարությունում նախագիծ է շրջանառվում, որով էլեկտրոնային դեղատները կկարողանան առաքումներ կատարել՝ օրենքի հետ խնդիր չունենալով:
Բաժանորդագրվեք մեր ալիքին Telegram-ում