387.99
Ադրբեջանական ընդդիմությունը «նախանձով» է անդրադառնում ներհայաստանյան իրավիճակին
2 րոպեի ընթերցում
ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Ադրբեջանական ընդդիմադիր «Թուրան» լրատվական գործակալությունն անդրադարձել է Հայաստանի Հանրապետության նոր կառավարության անդամների ժողովրդական ապրելակերպին և գործելաոճին:
Ինչպես հաղորդում է «Արմենպրես»-ը, «Թուրանը» գրում է. «Նրանք (հեղ.նախարարները) երթևեկում են մետրոյով, ոտքի վրա համբուրգեր են ուտում, օգտվում են հասարակական ծառայություններից: Հայաստանի նոր առաջնորդներն ապրում են, ինչպես հասարակության մյուս ներկայացուցիչները: Իշխանության եկած կառավարության նոր անդամները վարչապետ Նիկոլ Փաշինյանի գլխավորությամբ ամեն կերպ ցույց են տալիս, որ իրենք մարդիկ են ժողովրդի միջից»:
«Թուրան»-ը, մասնավորապես, անդրադարձել է ՀՀ կրթության և գիտության նախարար Արայիկ Հարությունյանի՝ մետրոյով երթևեկելու հանգամանքին:
Ալիևյան բռնատիրական ռեժիմի ներքո կամքի և խոսքի ազատությունից գրեթե զրկված ադրբեջանական հասարակությունը նույնպես հետևելով ՀՀ-ում տեղի ունեցող զարգացումներին և ժողովրդավարական իրավիճակին՝ սոցկայքերում ակտիվ գրառումներ և մեկնաբանություններ է կատարում, որոնցից պարզ է դառնում, թե ինչպես են ադրբեջանցիները «նախանձում» հայերին և բաղձանքով սպասում ալիևյան ռեժիմից իրենց ազատագրման օրվան:
Բաժանորդագրվեք մեր ալիքին Telegram-ում
