365.87
Գերմանական «Business & Diplomacy» ամսագիրն առանձնահատուկ տեղ է հատկացրել Հայաստանին
1 րոպեի ընթերցում
ԵՐԵՎԱՆ, 24 ՄԱՅԻՍԻ, ԱՐՄԵՆՊՐԵՍ: Գերմանական «Business & Diplomacy» ամսագիրն իր հերթական համարում առանձնահատուկ տեղ է հատկացրել Հայաստանին` «Հայաստան. ավանդույթների, նորարարությունների և բարձր տեխնոլոգիաների երկիր» խորագրով:
Ինչպես «Արմենպրես»-ին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից, ամսագրում հրապարակվել է մանրամասն տեղեկատվություն 2018թ. հոկտեմբերին Երևանում կայանալիք Ֆրանկոֆոնիայի գագաթաժողովի վերաբերյալ, ինչպես նաև ԳԴՀ-ում ՀՀ դեսպան Աշոտ Սմբատյանի լայնածավալ հոդվածը` նվիրված Հայաստանի արտաքին քաղաքականության առաջնահերթություններին, տնտեսական իրավիճակին և ԼՂ հիմնախնդրին:
Ամսագրում անդրադարձ է կատարվում նաև հայկական հարուստ պատմամշակութային ժառանգությանը, գինեգործության հազարամյա ավանդույթներին, զբոսաշրջության և ՏՏ ոլորտներին:
Բաժանորդագրվեք մեր ալիքին Telegram-ում