1 րոպեի ընթերցում
ԵՐԵՎԱՆ, 28 ԱՊՐԻԼԻ, ԱՐՄԵՆՊՐԵՍ: Հայաստանի ֆուտբոլի ազգային թիմի և Լոնդոնի «Արսենալ»-ի կիսապաշտպան Հենրիխ Մխիթարյանը հնարավոր է կմասնակցի «Մանչեսթեր Յունայթեդ»-ի դեմ առաջիկա խաղին:
«Արմենպրես»-ի հաղորդմամբ` «զինագործների» գլխավոր մարզիչ Արսեն Վենգերը հայտնել է, որ Մխիթարյանը հնարավորություն ունի մասնակցելու «Մանչեսթեր Յունայթեդ»-ի առաջիկա խաղին: Մխիթարյանը BeinSports-ի հետ զրույցում ևս փաստել է, որ պատրաստ է խաղալ առաջիկա հանդիպմանը:
Անգլիայի Պրեմիեր լիգայի 36-րդ տուրի շրջանակներում «զինագործները» ապրիլի 29-ին կհյուրընկալվեն «Մանչեսթեր Յունայթեդ»-ին: Հանդիպումը կմեկնարկի Երևանի ժամանակով 19:30-ին: