Սերժ Սարգսյանի հրաժարականի քայլը դրական է ընկալվել միջազգային ներդրողների կողմից. Արամյան
1 րոպեի ընթերցում
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: ՀՀ վարչապետի պաշտոնից Սերժ Սարգսյանի հրաժարականի քայլը դրական է ընկալվել միջազգային ներդրողների ու հանրության կողմից: Այդ մասին կառավարության նիստից հետո տեղի ունեցած ասուլիսի ժամանակ հայտարարեց ՀՀ ֆինանսների նախարարի պաշտոնակատար Վարդան Արամյանը:
«Դա դրական ազդակ է տվել այն առումով, որ Հայաստանն ունի այնպիսի իրավիճակ, որ չի կրկնում Ուկրաինայում կատարված սխալները, այսինքն՝ գնում է ավելի կառուցողական ուղիով», - «Արմենպրես»-ի փոխանցմամբ, ասաց Վարդան Արամյանը:
Ավելի վաղ նման կարծիք էր հայտնել նաև ՀՀ արտաքին գործերի նախարարի տեղակալ Շավարշ Քոչարյանը: