1 րոպեի ընթերցում
ԵՐԵՎԱՆ, 13 ԱՊՐԻԼԻ, ԱՐՄԵՆՊՐԵՍ: Վենեսուելացի լուսանկարիչ Ռոնալդո Շեմիդտի լուսանկարը լավագույնն Է ճանաչվել World Press Photo-ի վարկածով: Հեղինակավոր միջազգային մրցույթի հաղթողների եւ մրցանակակիրների հայտարարման արարողությունը կայացել Է ապրիլի 12-ի երեկոյան Ամստերդամում, տեղեկացնում Է «Արմենպրես»-ը:
Լուսանկարում պատկերված Է վազող այրվող տղամարդը հակագազով՝ 28-ամյա Խոսե Վիկտոր Սալասար Բալսան, որը 2017 թվականի մայիսի 3-ին Կարակասում մասնակցել Է հակակառավարական ցույցերին: Նրա հագուստն այրվել Է, երբ պայթել Է մերձակայքում հրկիզված մոտոցիկլետի վառելիքի բաքը: Առաջին եւ երկրորդ աստիճանի այվածքներով նա տեղափոխվել Է հիվանդանոց, որտեղ նրան անհրաժեշտ օգնություն Է ցույց տրվել:
World Press Photo-ն լուսանկարիչների ամենահեղինակավոր միջազգային մրցույթն Է, որն իր պատմությունն սկսել Է 1955 թվականից: Դրա նպատակը բարձր ստանդարտների պահպանումն ու զարգացումն Է ֆոտոլրագրության եւ ֆոտովավերագրության բնագավառում: Այս տարի ընտրության ընթացքում ժյուրիի անդամները դիտել են ավելի քան 73 հազար լուսանկար, որոնք արել են 4,5 հազար լուսանկարիչներ 125 երկրներից, հաղորդել Է ՏԱՍՍ գործակալությունը: