1 րոպեի ընթերցում
ԵՐԵՎԱՆ, 8 ՄԱՐՏԻ, ԱՐՄԵՆՊՐԵՍ: Կանանց տոնի՝ Մարտի 8-ի առթիվ, Հայաստանի Հանրապետության ընտրված նախագահ Արմեն Սարգսյանը շնորհավորել է հայոց կանանց՝ մայրերին, քույրերին, դուստրերին՝ մաղթելով նրանց առողջություն, հաջողություն, բարձր տրամադրություն, լավատեսություն, ամուր ու բարեկեցիկ ընտանիքներ։ Այս մասին «Արմենպրես»-ին տեղեկացրին Արմեն Սարգսյանի գրասենյակից:
Նշելով կնոջ բացառիկ դերը թե՛ ընտանիքում, թե՛ հասարակության մեջ՝ նա ցանկություն է հայտնել, որ կանայք ավելի մեծ դերակատարություն եւ մասնակցություն ունենան երկրի պետական ու հասարակական կյանքի բոլոր ոլորտներում։