368.54
Սովորական ցավազրկող գնելու հետ կապված խնդիր չի լինելու. ԱՆ ներկայացուցիչ
1 րոպեի ընթերցում
ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Դեղերը դեղատոմսով գնելու ՀՀ առողջապահության նախաձեռնությունն ամենևին ուղղված չէ մարդկանց կյանքը բարդացնելուն:
Այս մասին «Արմենպրես»-ի մամուլի սրահում հրավիրված ասուլիսում նշեց ՀՀ առողջապահության նախարարության բժշկական օգնության քաղաքականության վարչության պետ Դավիթ Մելիք-Նուբարյանը:
«Սովորական ցավազրկողներ ցանկում առկա կլինեն, և մենք հնարավորություն կունենանք դրանք ազատ ձեռք բերել, սակայն այն ցավազրկողները, որոնք պարունակում են սպեցիֆիկ քիմիական նյութեր, դուրս կգրվեն դեղատոմսով: Նպատակահարմար է դրանց ազատ վաճառքը սահմանափակելը: Դրանք կարող են հետո այլ նպատակների համար օգտագործվել: Ես խորապես համոզված եմ, որ սովորական ցավազրկող գնելու հետ կապված խնդիր չի լինելու»,-ասաց Դավիթ Մելիք-Նուբարյանը:
Մարտի 1-ից դեղատոմսով բաց կթողնվեն հակաբիոտիկները, հորմոնալ և կոդեին պարունակող դեղերը, հուլիսից` ներարկումային դեղերը, իսկ հոկտեմբերից դեղատոմսով դուրս կգրվեն բոլոր այն դեղերը, որոնք Հայաստանում գրանցված են որպես դեղատոմսով դուրս գրվող: Ցանկը հրապարակված է առողջապահության նախարարության կայք-էջերում: Կառավարության որոշմամբ, դեղատոմսերի ձևերը, դեղատոմսեր գրելու, դեղեր բաց թողնելու կարգը փոխվում է:
Բաժանորդագրվեք մեր ալիքին Telegram-ում