1 րոպեի ընթերցում
ԵՐԵՎԱՆ, 3 ՓԵՏՐՎԱՐԻ, ԱՐՄԵՆՊՐԵՍ: Տեսանյութերի YouTube ցանցը հատուկ նշանով կառանձնացնի պետական ֆինանսավորմամբ գործող զանգվածային լրատվության միջոցների տեսանյութերը: Ինչպես փոխանցում է «Արմենպրես»-ը, վկայակոչելով ТАСС-ը, այս մասին տեղեկացրել են ընկերության կայքում: «2018-ին մեր հիմնական նպատակն է ամբողջ աշխարհում առավել թափանցիկություն ապահովել տեսանյութեր ստեղծողների, գովազդատուների և օգտատերերի համար: Հետայսու մենք սկսում ենք տեսանյութերի տակ հրապարակել ծանուցում, որոնք այս կամ այն կերպ ֆինանսավորվել են պետական կան հասարակական կազմակերպությունների կողմից»,-ասված է հաղորդագրության մեջ:
Ակնկալվում է, որ ծանուցումը կհայտնվի տեսանյութի տակ, կլինի նաև հղում, որը կտանի այդ տեսանյութը հրապարակած ԶԼՄ-ի Վիքիպեդիայի էջ: Այս ֆունկցիան դեռևս վերաբերում է միայն ԱՄՆ-ի օգտատերերին: