1 րոպեի ընթերցում
ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ։ «Զվարթնոց» և «Շիրակ» օդանավակայաններում շարժունակության խնդիրներ ունեցող ուղևորներին հատուկ ծառայություն կմատուցվի։
«Արմենպրես»-ի հաղորդմամբ՝ այս մասին տարեկան ամփոփիչ ասուլիսի ժամանակ ասաց ՀՀ կառավարությանն առընթեր քաղաքացիական ավիացիայի գլխավոր վարչության պետ Սերգեյ Ավետիսյանը։
«Մշտապես ուշադրության կենտրոնում ենք պահում «Զվարթնոց» և «Շիրակ» օդանավակայաններում մատուցվող ծառայությունների որակը։ Կարող ենք ասել, որ առաջիկայում այդ երկու օդանավակայաններում գործելու են մասնագիտացված ծառայություններ՝ օժանդակելու շարժունակության խնդիրներ ունեցող ուղևորներին»,- ընդգծեց Քաղավիացիայի գլխավոր վարչության պետը։
Հատուկ պատրաստություն անցած աշխատակիցները համապատասխան օգնություն կցուցաբերեն հաշմանդամություն ունեցող անձանց։