368.15
ՍԱՊԾ-ը մոնիթորինգ է անցկացնում հայաստանյան շուկայում պլաստիկ բրնձի առկայության ահազանգով
1 րոպեի ընթերցում
ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ գյուղատնտեսության նախարարության սննդամթերքի անվտանգության պետական ծառայությունը շուկայում մոնիթորինգ է իրականացնում պլաստիկ բրինձ հայտնաբերելու ուղղությամբ: «Արմենպրես»-ի հաղորդմամբ` այս մասին դեկտեմբերի 12-ին լրագրողների հետ հանդիպմանն ասաց ՀՀ գյուղատնտեսության նախարար Իգնատի Առաքելյանը:
Նրա խոսքով` հարցը մտահոգիչ է, սակայն մոնիթորինգն առհասարակ իրականացվում է հատկապես ամանորյա տոներին ընդառաջ մեծ ծավալի սննդի ներմուծման հետ կապված: «Երբ մոնիթորինգն ավարտվի, կվերլուծենք եւ կհասկանանք, թե ինչպես կարող էր Հայաստանում նման մթերք հայտնվել»,-հավելեց նախարարը:
Քաղաքացու ահազանգի հիման վրա հայաստանյան լրատվամիջոցները տեղեկատվություն էին տարածել, որ շուկայում առողջության համար վտանգավոր պլաստիկ բրինձ է հայտնաբերվել:
Բաժանորդագրվեք մեր ալիքին Telegram-ում