1 րոպեի ընթերցում
ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ։ Եվրասիական տնտեսական միության ամրապնդման համար կիրականացվեն միասնական նախագծեր տնտեսության իրական հատվածում։ Այս մասին հայտարարեց Եվրասիական տնտեսական հանձնաժողովի(ԵԱՏՀ)կոլեգիայի նախագահ Տիգրան Սարգսյանը միության միջկառավարական խորհրդի ընդլայնված նիստի ժամանակ։ «Մենք երկրների կառավարությունների ղեկավարների հետ պայմանավորվել ենք, որ այդ թեման ևս կլինի կոլեգիայի ուշադրության կենտրոնում։ Քննարկման կներկայացվեն եվրասիական բրենդների ստեղծման ու միասնական ձեռնարկությունների հիմնման պիլոտային նախագծեր»,- «Արմենպրես»-ի փոխանցմամբ ՝ ասաց Տիգրան Սարգսյանը։
Երևանում հոկտեմբերի 24-25-ին անցկացվում է Եվրասիական միջկառավարական խորհրդի նիստը։ Մասնակցում են Հայաստանի, Բելառուսի, Ղազախստանի, Ղրղզստանի, Ռուսաստանի կառավարության ղեկավարները, ինչպես նաև Եվրասիական տնտեսական հանձնաժողովի(ԵԱՏՀ)կոլեգիայի նախագահ Տիգրան Սարգսյանը։