Forbes-ը Լարի Գագոսյանին ներառել է խոշորագույն բիզնես մտածելակերպ ունեցող 100 անձանց շարքում
1 րոպեի ընթերցում
ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ:Միջազգային հեղինակավոր Forbes հանդեսը ամերիկահայ արտ-դիլեր և գալերիստ Լարի Գագոսյանին ներառել է ներկայում աշխարհում բնակվող խոշորագույն բիզնես մտածելակերպ ունեցող 100 անձանց շարքում:
Ինչպես հաղորդում է «Արմենպրես»-ը, ցուցակում ներառվել են նաև ամերիկացի դերասանուհի և հաղորդավարուհի Օփրա Ուինֆրին, իտալացի դիզայներ Ջորջիո Արմանին, Facebook-ի հիմնադիր Մարկ Ցուկերբերգը, ամերիկացի գործարար, քաղաքական գործիչ Մայքլ Բլումբերգը, «Մայքրոսոֆթ»-ի նախագահ Բիլ Գեյթսը, «Ամազոն»-ի հիմնադիր Ջեֆֆ Բեզոսը և այլք:
Ցուցակը կազմվել էForbes-ի հարյուր ամյակի շրջանակում:
Լարի Գագոսյանը Օսմանյան կայսրությունից Միացյալ Նահանգներ մեկնած հայերի ժառանգ է: Նրա ծնողները Կալիֆորնիայի բնակիչներ են: 1963-1969 թթ. սովորել է անգլո-ամերիկյան գրականություն Լոս Անջելեսի Կալիֆորնիայի համալսարանում:
1978 թ. բացել է սեփական պատկերասրահը՝ «Broxton Gallery»: Մինչ այդ որպես վաճառող աշխատել է գրախանութում և երաժշտական խանութում, գանձապահ՝ սուպերմարկետում։
Լարի Գագոսյանին պատկանող Գագոսյան պատկերասրահների ցանցը ժամանակակից արվեստի պատկերասրահների շարքում ամենամեծն է։