Մշակույթ

Գործվածքների վերականգնմանն ուղղված դասընթացները նոր հմտություններով կզինեն հայ մասնագետներին

3 րոպեի ընթերցում

Գործվածքների վերականգնմանն ուղղված դասընթացները նոր հմտություններով կզինեն հայ մասնագետներին

ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: Տոկիոյի ազգային հետազոտությունների ինստիտուտի մասնագետները հայ ռեստավրատորներին և հնագետներին կծանոթացնեն գործվածքների վերականգնման նորագույն մեթոդներին ու ձևերին: Վարպետության դասընթացները կանցկացվեն «Տեքստիլի արվեստ և պահպանում. հանգուցելով անցյալն ու ներկան» թեմայով դասախոսությունների շրջանակում սեպտեմբերի 11-15-ը ՀՀ մշակույթի նախարարության Պատմամշակութային ժառանգության գիտահետազոտական կենտրոնում և Մայր աթոռ Սբ էջմիածնի թանգարանում:

«Օրեր առաջ մենք նշեցինք հայ-ճապոնական դիվանագիտական հարաբերությունների հաստատման 25-ամյակը, և մեզ համար շատ կարևոր է, որ այդ կապակցությամբ իրականացվում են մշակույթին առնչվող միջոցառումներ: Մեր համատեղ գործունեության առաջին փուլը սկսվել է 2011 թվականին, այնուհետև 2014-ին նոր համաձայնագիր ստորագրվեց. արդյունքում համագործակցությունը շարունակվում է: Շնորհակալություն եմ հայտնում ճապոնացի մասնագետներին, որ, չնայած երբեմն առաջացած խոչընդոտներին, սիրով մասնակցում են դասընթացներին ու նոր հմտություններ փոխանցում մեզ»,-«Արմենպրես»-ի հաղորդմամբ` նշեց ՀՀ մշակույթի նախարարի տեղակալ Արև Սամուելյանը:

Սագայի ազգային համալսարանի դոցենտ Միե Իշիին ասաց, որ դասախոսությունների ընթացքում հայ մասնագետներին կծանոթացնի գործվածքի նյութին, թելերի ստեղծման ձևերին, կտորի փաստաթղթավորմանը: «Անդրադառնալու ենք գործվածքի վերականգնման մեթոդներին, մաքրմանը, նորոգմանը, ներկելուն: Քանի որ նախկինում նմանատիպ դասընթաց Հայաստանում իրականացվել է, և կան մասնակիցներ, որոնք տիրապետում են նյութին, նրանք այս անգամ հանդես կգան որպես համակարգողներ»,-ընդգծեց մասնագետը:

Միե Իշիի խոսքով` Ճապոնիայում շատ թանկ է գնահատվում մետաքսը, որից կարում են ճապոնական կիմոնոները: Հատկապես բարձր արժեք ունեն այն կիմոնոները, որոնք նախշազարդ են, և որոնց գոտիները ոսկեթել կամ արծաթաթել են:

Պատմամշակութային ժառանգության գիտահետազոտական կենտրոնի վերականգնման լաբորատորիայի վարիչ Ելենա Աթոյանցը շեշտեց, որ նախկինում առիթ է ունեցել մասնակցել նման դասընթացի, որն, իր կարծիքով, շատ արդյունավետ է: «Գործվածքների վերականգնման մեթոդներն օրեցօր հարստանում են ու նորացվում: Այդ զարգացումներին հետևելն ու այդ գործիքներին տիրապետելն անհրաժեշտություն են: Այս դասախոսությունները նպաստում են այդ ամենի յուրացմանը»,-եզրափակեց նա:

Վարպետության դասերին մասնակցում են մասնագետներ Հայաստանի պատմության թանգարանից, Մայր աթոռ Սբ էջմիածնի թանգարանից, Հնագիտության և ազգագրության ինստիտուտից, «Էրեբունի» թանգարանից, Հայաստանի ազգային պատկերասրահից և Մատենադարանից:

Դասախոսություններն իրականացվում են ՀՀ մշակույթի նախարարության և Տոկիոյի մշակութային արժեքների ազգային հետազոտական ինստիտուտի նախաձեռնությամբ:

«Քեզ համար, Հայաստան». Շառլ Ազնավուրի 100-ամյակին նվիրված միջոցառումներ են անցկացվել Գյումրիում

Մշակույթ

«Քեզ համար, Հայաստան». Շառլ Ազնավուրի 100-ամյակին նվիրված միջոցառումներ են անցկացվել Գյումրիում

Երևանի «Ոսկե ծիրան» 21-րդ միջազգային կինոփառատոնը հատեց եզրագիծը. հայտնի են մրցանակակիրները

Մշակույթ

Երևանի «Ոսկե ծիրան» 21-րդ միջազգային կինոփառատոնը հատեց եզրագիծը. հայտնի են մրցանակակիրները

Սպարապետ Վազգեն Սարգսյանի մասին գեղարվեստական ֆիլմ է նկարահանվում

Մշակույթ

Սպարապետ Վազգեն Սարգսյանի մասին գեղարվեստական ֆիլմ է նկարահանվում

Փարաջանովն ինձ համար յուրահատուկ է. հայտնի վիզիոներ Տարսեմ Սինխը «Ոսկե ծիրան»-ի շրջանակում հանդիպեց երկրպագուներին

Մշակույթ

Փարաջանովն ինձ համար յուրահատուկ է. հայտնի վիզիոներ Տարսեմ Սինխը «Ոսկե ծիրան»-ի շրջանակում հանդիպեց երկրպագուներին

Ես չեմ ամաչում իմ որևէ ֆիլմից. ականավոր ռեժիսոր Ջաֆար Փանահին երկար դադարից հետո հանդես եկավ մեծ լսարանի առաջ

Մշակույթ

Ես չեմ ամաչում իմ որևէ ֆիլմից. ականավոր ռեժիսոր Ջաֆար Փանահին երկար դադարից հետո հանդես եկավ մեծ լսարանի առաջ

«Արամ» արջուկը Տավուշի սահմանամերձ բնակավայրերի շուրջ 3100 երեխաների նոր ընկերն է

Մշակույթ

«Արամ» արջուկը Տավուշի սահմանամերձ բնակավայրերի շուրջ 3100 երեխաների նոր ընկերն է

Մահացել է ամերիկացի դերասանուհի Շելի Դյուվալը

Մշակույթ

Մահացել է ամերիկացի դերասանուհի Շելի Դյուվալը

«Ոսկե ծիրան»-ին ցուցադրվեց Էդգար Բաղդասարյանի «Յաշան և Լեոնիդ Բրեժնևը» մրցանակակիր ֆիլմը

Մշակույթ

«Ոսկե ծիրան»-ին ցուցադրվեց Էդգար Բաղդասարյանի «Յաշան և Լեոնիդ Բրեժնևը» մրցանակակիր ֆիլմը

Ստրադիվարիուսի և Գվարներիի հնագույն ջութակները ցուցադրվեցին Կապանում

Մշակույթ

Ստրադիվարիուսի և Գվարներիի հնագույն ջութակները ցուցադրվեցին Կապանում

Կինոյի լանդշաֆտը փոխվում է, և դժվար է դառնում ֆիլմեր նկարելը. օսկարակիր Ալեքսանդր Փեյնը Երևանում հանդիպեց արվեստասերներին

Մշակույթ

Կինոյի լանդշաֆտը փոխվում է, և դժվար է դառնում ֆիլմեր նկարելը. օսկարակիր Ալեքսանդր Փեյնը Երևանում հանդիպեց արվեստասերներին

Կապանում մեկնարկած երաժշտական փառատոնը համախմբել է հայ և օտարերկրյա երաժիշտներին

Մշակույթ

Կապանում մեկնարկած երաժշտական փառատոնը համախմբել է հայ և օտարերկրյա երաժիշտներին

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում