Արցախում զինծառայողների ջրահեղձման դեպքից հետո զորամասի հրամանատարն ու տեղակալները պաշտոնանկ են արվել

ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: Պաշտպանության բանակի հյուսիսային ուղղությամբ տեղակայված զորամասում ժամկետային 3 զինծառայողների ջրահեղձման դեպքից հետո զորամասի պաշտոնատար անձինք ենթարկվել են պատասխանատվության: Այս մասին լրագրողների հետ հանդիպմանը հայտնեց ՀՀ Զինված ուժերի գլխավոր շտաբի պետ Մովսես Հակոբյանը:

«Պաշտոնանկ են արվել զորամասի հրամանատարն ու երկու տեղակալները: Որոշ զինծառայողների ենթարկել են կարգապահական տույժի»,- «Արմենպրես»-ի հաղորդմամբ` հայտնեց Հակոբյանը:

Մայիսի 8-ին ողբերգական դեպք էր տեղի ունեցել Արցախի Հանրապետությունում. Մատաղիսի զորամասի հարևանությամբ գտնվող ջրամբարն էր ընկել «ՈՒԱԶ-315195» մակնիշի ավտոմեքենան, որի հետևանքով վարորդն ու 2 ուղևորները ջրահեղձ էին եղել: