Ամերիկացի գիտնականները պարզել են, որ ծխելը մեծացնում Է թրոմբոզի վտանգը
1 րոպեի ընթերցում
![Ամերիկացի գիտնականները պարզել են, որ ծխելը մեծացնում Է թրոմբոզի վտանգը](http://armenpress.am/resized/480/static/news/b/2017/05/889211.jpg)
ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: ԱՄՆ-ում գիտնականները պարզել են, որ ծխելը թուլացնում Է այն գենը, որը պատասխանատու Է անոթների պաշտպանության համար, ինչն իր հերթին մեծացնում Է թրոմբոզների առաջացման վտանգը, տեղեկացնում Է «Արմենպրես»-ը՝ հղում անելով BBC-ին:
Ինչպես նշում են հետազոտության հեղինակները Circulation հանդեսում հրապարակված հոդվածում, թրոմբներն անոթները դարձնում են նվազ առաձգական, եւ դա կարող Է հանգեցնել սրտի հիվանդությունների:
Այս եզրակացությունները հիմնված են 140 հազար մարդու ծագումնաբանական նյութի ուսումնասիրման վրա: Զեկույցի հեղինակներից մեկը՝ դոցենտ Դանիշ Սալեհինը Փենսիլվանիայի համալսարանից, սույն հետազոտությունը համարել Է այն բանի բացահայտման առաջին քայլերից մեկը, թե ինչպես կարող Է գենի վրա ներգործությունը հանգեցնել սրտի իշեմիկ հիվանդության:
Ինչպես հաղորդել Է Առողջապահության համաշխարհային կազմակերպությունը (ԱՀԿ), ծխախոտի գործածումը մի ամբողջ շարք խրոնիկական հիվանդությունների զարգացման ռիսկի հիմնական գործոններից մեկն Է, ներառյալ քաղցկեղը, թոքերի եւ սիրտ- անոթային հիվանդությունները:
ԱՀԿ-ի տվյալներով՝ ծխելը տարեկան 1,6 միլիոն մահվան պատճառ Է ամբողջ աշխարհում: