1 րոպեի ընթերցում
ԵՐԵՎԱՆ, 14 ԱՊՐԻԼԻ, ԱՐՄԵՆՊՐԵՍ: Աշխարհահռչակ երգիչ Սթինգն անդրադարձել է իր «Englishman in New York» երգի՝ անգլիական «Մանչեսթեր Յունայթեդ» ակումբի երկրպագուների կատարմանը: «Արմենպրես»-ի հաղորդմամբ` երկրպագուներն այն նվիրել են հայ կիսապաշտպան Հենրիխ Մխիթարյանին:
«Շատ ուրախ եմ դրա համար: Սիրում եմ տեսնել երգերը ձևափոխված և հարմարեցված տարբեր նպատակների համար: Այդ տարբերակը նույնպես լավն է: Որպես երգահան կարծում եմ` հետաքրքիր է, թե ինչպես են այդ երգերը տարածում գտնում այդքան մեծաթիվ մարդկանց մեջ, և նրանք բոլորը սկսում են երգել նույնը»,- Ստինգի խոսքը մեջբերում է «BBC»-ն: