1 րոպեի ընթերցում
ԵՐԵՎԱՆ, 16 ՆՈՅԵՄԲԵՐԻ, ԱՐՄԵՆՊՐԵՍ: Forbes ամերիկյան հանդեսը հրապարակել Է մինչեւ 30 տարեկան ամենաբարձր վարձատրվող հայտնիների վարկանիշը, տեղեկացնում Է «Արմենպրես»-ը:
Առաջին հորիզոնականում 26-ամյա ամերիկացի երգչուհի Թեյլոր Սվիֆթն Է, որը 2016 թվականին վաստակել Է 170 մլն դոլար: Երկրորդ տեղում One Direction խմբի մասնակիցներն են: Կոլեկտիվը վաստակել Է 110 մլն դոլար: Երրորդը 29-ամյա ֆուտբոլիստ «Բարսելոնի» հարձակվող Լիոնել Մեսսին Է՝ 81,5 մլն դոլար եկամտով:
Տասնյակում տեղ են գտել նաեւ 28-ամյա բրիտանացի երգչուհի Ադելը (80,5 մլն դոլար), 28-ամյա Ռիհաննան (75 մլն դոլար): Նրան հաջորդում են 22-ամյա Ջասթին Բիբերը, 29-ամյա սերբ թենիսիստ Նովակ Ջոկովիչը եւ բասկետբոլիստ Քեւին Դյուրանտը (յուրաքանչյուրը՝ մոտավորապես 56 մլն դոլար):
Ցուցակը եզրափակում են 26-ամյա երգիչ The Weeknd-ը (55 մլն դոլար), ամերիկյան ֆուտբոլի 27-ամյա խաղացող Քեմ Նյուտոնը եւ գոլֆիստ Ջորդան Սփիթը (յուրաքանչյուրը՝ 53 մլն դոլար):
Նոյեմբերին ավելի վաղ Forbes-ը հրապարակել Է 2016 թվականի ամենաբարձր վարձատրվող երգչուհիների վարկանիշը: Այն նույնպես գլխավորել Է Թեյլոր Սվիֆթը, որին հաջորդում են Ադելը եւ Մադոննան՝ 76,5 միլիոն դոլարով: