Պաշտպանական համակարգի հիմքում դրվել է ազգ-բանակ գաղափարը. Վիգեն Սարգսյան

3 րոպեի ընթերցում

ԵՐԵՎԱՆ, 20 ՀՈԿՏԵՄԲԵՐԻ, ԱՐՄԵՆՊՐԵՍ: Տարածաշրջանում տեղի ունեցող ռազմաքաղաքական զարգացումները և հայկական երկու պետությունների առջև ծառացած սպառնալիքները թույլ են տալիս կանխատեսել, որ առաջիկայում Հայաստանի անվտանգային միջավայրը, Զինված ուժերի առջև դրված խնդիրները չեն կարող ենթարկվել էական փոփոխությունների: Ազգային ժողովում ՀՀ կառավարության գործունեության ծրագիրը հաստատելու հարցի քննարկման ժամանակ ունեցած արտահերթ ելույթում այս մասին ասաց ՀՀ պաշտպանության նախարար Վիգեն Սարգսյանը: «Ուստի մենք պարտավոր ենք հզորացնել և զարգացնել մեր Զինված ուժերի պաշտպանական կարողությունները տնտեսական ու ժողովրդագրական ներուժից առաջանցիկ կամ առնվազն այդ ներուժի առավելագույն չափով: Այս իրողությունը մեզանից պահանջում է ունենալ ռազմաքաղաքացիական հարաբերություններում, ռազմական արվեստում ու գիտության մեջ տեղի ունեցող զարգացումներին համընթաց, արդիականացող ռազմական արդյունաբերության և ռազմական գիտության արդի ձեռքբերումների արդյունավետ կիրառում, հասարակության վստահությունն ու աջակցությունը վայելող պաշտպանության համակարգ»,- «Արմենպրես»-ի հաղորդմամբ՝ ընդգծեց նախարարը:

Նա հավելեց, որ այդ նպատակով կառավարության ծրագրի պաշտպանական հատվածի հիմքում դրել են ազգ-բանակի գաղափարը և «հասանելի ռեսուրսներով առավելագույն արդյունք» ռազմավարական սկզբունքը: «Ազգ-բանակ գաղափարախոսությունը ենթադրում է, որ կառավարման բոլոր մարմինները, քաղաքացիական ու հասարակական ուժերը, յուրաքանչյուր ոք պետք է հստակ պատկերացնի, թե ինչպես է հարաբերվում պաշտպանության գործին: Մեր խնդիրն այս գաղափարախոսությունը ոչ միայն պետական կառավարման հիմքում դնելն է, այլ Հայաստանում և սփյուռքում ապրող յուրաքանչյուր հայորդու հասցնելը»,- ասաց Վիգեն Սարգսյանը:

Նախարարի գնահատմամբ՝ միայն այդ եղանակով է հնարավոր ներդաշնակ համագործակցություն ստեղծել պաշտպանական քաղաքականությունը արտաքին, տնտեսական, քաղաքական, սոցիալական հասարակական և գիտական ասպարեզների հետ փոխկապակցված տեսնելու համար: «Ազգ-բանակ գաղափարի իրագործման նպատակը բանակ-հասարակություն անքակտելի կապի արմատավորմամբ հայոց բանակը հասարակության դարբնոցի վերածելն է: Արդյունքում ոչ միայն հասարակությունը մարդկային և նյութական ռեսուրսներով իր ներդրումը կունենա հայրենիքի պաշտպանության գործին, այլ նաև բանակը փոխադարձ ներդրում կանի՝ դառնալով հասարակության ռազմահայրենասիրական դաստիարակության դարբնոց»,- մանրամասնեց Վիգեն Սարգսյանը:

Հայերեն English Русский

Ծովինարում հիմնանորոգվում է 4 փողոց

Գավառի թիվ 8 միջնակարգ դպրոցի լաբորատորիան համալրվել է օդի, հողի և ջրի մոնիտորինգի ժամանակակից սարքավորումներով

Անհայտ կորած անձանց հարցերով միջազգային հանձնաժողովն իր փորձով և վարժընթացներով պատրաստ է աջակցել ՀՀ իշխանություններին

Երևանում կասեցվել է առանց ՇՄԱԳ-ի դրական եզրակացության իրականացվող յուղերի վերամշակումը

Կա մեծ հավանականություն, որ առաջիկա տասնամյակներում Կայան-Իջևան-Դիլիջան-Վանաձոր-Սպիտակ-Գյումրի-Ախուրիկ ավտոճանապարհը լինելու է մեր տարածաշրջանի ամենածանրաբեռնված ճանապարհներից. ՀՀ վարչապետ

Պուտինն ամփոփել է Թրամփի և Սի Ծինփինի հետ հանդիպման արդյունքները

Վարդենիս համայնքում կայացել է «Դպրոցականների վոլեյբոլի լիգա» մարզական խաղերի համայնքային փուլը

Անհայտ կորածների ճակատագրի պարզաբանման հարցում պետությունների պատասխանատվությունն ու միջազգային մեխանիզմները՝ փորձագետների ուշադրության կենտրոնում

Փորձաքննությունը հաճախ չի կատարում նախագծերի որակի ֆիլտրի իր դերը. Քաղաքաշինության կոմիտեի նախագահ

Մոլդովայի խորհրդարանի խոսնակն աջակցել է երկրի օդային տարածքի պաշտպանության նպատակով Ռումինիայի հետ համագործակցելու առաջարկին. Moldpres