Հաքերները վիրուս են ստեղծել Բրեդ Փիթի մահվան մասին կեղծ հաղորդագրության տեսքով

ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Ցանցահեններն սկսել են իրենց նպատակի համար օգտագործել լայն հասարակայնության հետաքրքրությունը Հոլիվուդի աստղեր Բրեդ Փիթի եւ Անջելինա Ջոլիի ամուսնալուծման դատավարության նկատմամբ: Համացանցում հայտնվել Է վնասաբեր ծրագիր՝ քողարկված Փիթի հանկարծահաս մահվան վերաբերյալ կեղծ հաղորդագրությամբ: Ինչպես տեղեկացնում Է «Արմենպրես»-ը՝ սեպտեմբերի 27-ին այս մասին նախազգուշացրել Է TMZ նորությունների ռեսուրսը, որը մասնագիտացած Է հռչակավոր մարդկանց մասին գաղտնի տեղեկատվության բնագավառում:

Վերջինիս տեղեկությունների համաձայն՝ խոսքը վերաբերում Է իբր Fox News հեռուստաալիքի ռեպորտաժին: Այն բացելու եւ կարդալու փորձ անելիս տեղի Է ունենում անձնական համակարգչի կամ սմարթֆոնի վարակում: Վնասաբեր ծրագրի հեղինակները նպատակ են դրել՝ հափշտակել նշանաբառերը եւ հսկողության տակ վերցնել ակաունտները, հաղորդել Է ՏԱՍՍ-ը: