1 րոպեի ընթերցում
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: SpaceX ընկերությունն առաջին շարժիչն Է փորձարկել միջմոլորակային թռիչքների համար:Գործընթացի լուսանկարները Twitter-ի իր հաշվում զետեղել Է ընկերության ղեկավար Իլոն Մասկը, տեղեկացնում Է «Արմենպրես»-ը:
Շարժիչն ստացել Է Raptor (անգլերեն՝ «գիշատիչ», «մեծամողես») անվանումը: Մասկի խոսքով՝ Raptor-ի տեսակարար ազդակը (ռեակտիվ շարժիչի արդյունավետության ցուցանիշը) կազմել Է 382 վայրկյան, իսկ քարշը՝ 3 մեգանյուտոն:
Ինչպես գրում Է Bisinnes Insider հրատարակությունը, Raptor-ն աշխատում Է մեթանի եւ հեղուկ թթվածնի խառնուրդով:
Մասկը փորձարկման լուսանկարը զետեղել Է Աստղագնացության 67-րդ միջազգային կոնգրեսի նախօրեին, որը սեպտեմբերի 27-ին անցկացվելու Է Գվադալահարում (Մեքսիկա). պլանավորվում Է, որ ելույթի ընթացքում SpaceX-ի ղեկավարը կպատմի Մարսի յուրացման պլանների մասին, հաղորդել Է ՏԱՍՍ-ը:
SpaceX propulsion just achieved first firing of the Raptor interplanetary transport engine pic.twitter.com/vRleyJvBkx
— Elon Musk (@elonmusk) 26 сентября 2016 г.