388.33
ԼՂ հակամարտության կարգավորման հարցը կքննարկվի ՄԱԿ-ի Գլխավոր ասամբլեայի շրջանակում. դեսպան Սեկուտա
1 րոպեի ընթերցում
ԵՐԵՎԱՆ, 16 ՍԵՊՏԵՄԲԵՐԻ, ԱՐՄԵՆՊՐԵՍ: Միավորված ազգերի կազմակերպության Գլխավոր ասամբլեայի շրջանակում նախատեսվում են քննարկումներ Լեռնային Ղարաբաղի հակամարտության կարգավորման ուղիների վերաբերյալ: Ինչպես հաղորդում է «Արմենպրես»-ը` վկայակոչելով ադրբեջանական ԱՊԱ գործակալությունը, այս մասին հայտարարել է Ադրբեջանում ԱՄՆ դեսպան Ռոբերտ Սեկուտան:
«ԱՄՆ-ն կարևորում է այս հակամարտության կարգավորումը: Կարծում ենք, որ հակամարտող կողմերը պետք է հանդիպումներ անցկացնեն և աշխատեն այդ ուղղությամբ` հանուն տարածաշրջանում կայունության, խաղաղության և բարօրության հաստատման»,- ասել է Սեկուտան` հայտնելով, որ ԼՂ հիմնախնդրի վերաբերյալ ԱՄՆ դիրքորոշումը մնում է անփոփոխ:
Միացյալ Նահանգների դեսպանը հավելել է նաև, որ հարցի առնչությամբ ԱՄՆ-ն աշխատում է Մինսկի խմբի համանախագահ մյուս երկրների հետ:
