2 րոպեի ընթերցում
ԵՐԵՎԱՆ, 8 ՍԵՊՏԵՄԲԵՐԻ, ԱՐՄԵՆՊՐԵՍ: Apple կորպորացիան Կալիֆոռնիայի կենտրոնակայանում նորույթների շնորհանդեսի շրջանակներում ներկայացրել Է նոր iPhone 7-ը եւ 7 Plus-ը, տեղեկացնում Է «Արմենպրես»-ը:
Նոր սմարթֆոններն ստացել են ապակե եւ ալյումինե կլորաձեւ կորպուս, ինչպես նաեւ Home վերամշակված կոճակը՝ սեղմման ուժի ճանաչմամբ եւ Taptic Engine: Գաջեթներն ունեն երկու տարածադինամիկ եւ ջրից ու փոշուց պաշտպանություն՝ IP 67 ստանդարտով:
Բացի դրանից, Apple-ը ցուցադրել Է AirPods անհաղորդալար ականջակալները՝ W1 չիպով եւ շարժման տվիչներով:
iPhone 7-ի խցիկն ստացել Է 12-մեգափիքսելանոց սենսոր եւ պատկերի օպտիկական կայունացում: Նկարները կմշակվեն iP7 նոր չիպի միջոցով: Ճակատային խցիկը կարող Է կատարել HD լուսանկարներ եւ ունի 7 մեգափիքսել լուծաչափ:
iPhone 7 Plus-ն ստացել Է կրկնակի 12-մեգափիքսելանոց խցիկ՝ տասնապատիկ օպտիկական խոշորացմամբ եւ լուսանկարի նոր դիմանկարային ոճով:
Երկու գաջեթներն Էլ ստացել են A10 Fusion նոր չորսմիջուկանի 64-բիտային պրոցեսորներ՝ Էներգամատակարարման վերահսկողությամբ եւ վեցմիջուկանի գրաֆիկական չիպ:
Սմարթֆոնների տերերի համար մատչելի կլինեն հինգ գունային լուծումները՝ ոսկեգույն, մոխրագույն, վարդագույն, սեւ եւ սեւ օնիքս:
Apple-ը նաեւ ներկայացրել Է iOS 10-ի նոր տարբերակը՝ մեծ քանակությամբ նոր գործառույթներով եւ Siri ձայնային օգնականի բարելավված աշխատանքով: