1 րոպեի ընթերցում
ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Հոլիվուդյան դերասան Լեոնարդո դի Կապրիոն եւ նրա ընկերուհին՝ դանիացի մոդել Նինա Ագդալը, ճանապարհատրանսպորտային պատահարի են ենթարկվել Նյու Յորքի նահանգում, նրանցից ոչ ոք չի տուժել: Այդ մասին, ինչպես տեղեկացնում Է «Արմենպրես»-ը, հայտնել Է «Նյու Յորք պոստ» թերթը՝ հղում անելով պատահարի ականատեսին:
Միջադեպը տեղի Է ունեցել օգոստոսի 20-ին ժամը մոտավորապես 16:30-ին Սաֆոլկի օկրուգում՝ Նյու Յորքից ոչ հեռու: Range Rover ավտոմեքենային, որում եղել են դերասանն ու նրա ընկերուհին, հարվածել Է Mini Cooper-ը, որի ղեկին կին Է եղել: Ականատեսի տվյալներով՝ օսկարակիր դերասանն իրեն բավականին սիրալիր ու քաղաքավարի Է պահել Էքստրեմալ իրավիճակում: Նախ նա համոզվել Է, որ իր ընկերուհու մոտ ամեն ինչ կարգին Է, իսկ այնուհետեւ օգնել Է ՃՏՊ-ի հնարավոր մեղավորին:
«Նա խիստ վախեցած Էր: Լեոն շատ ուշադիր Էր նրա նկատմամբ: Նա օգնել Է կնոջը՝ հասնելու ճանապարհի արգելապատնեշին, որպեսզի նա կարողանա հանգստանալ»,-ասել Է վթարի ականատեսը:
Ինչպես նշում Է հրատարակությունը, ՃՏՊ-ի մասնակիցներից ոչ մեկը չի տուժել: Դի Կապրիոյի ավտոմեքենան պատահարի հետեւանքով վնասվածքներ չի ստացել, ջարդվել Է Mini Cooper-ի թափքի առջեւի մասը: