Աշխարհի ամենաբարձր երկնաքերը թալիսման ունի

ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: Դուբայում ներկայացրել են «Բուրջ Խալիֆա» աշտարակի պաշտոնական թալիսմանը: «Պարոն Բուրջի» ֆիգուրը կրկնում Է աշխարհում ամենաբարձր երկնաքերի ուրվապատկերը: Կապույտ աշտարակ-մարդը կողջունի ծնողների հետ շենքի դիտահարթակ եկող երեխաներին, հաղորդում Է «Արմենպրես»-ը՝ հղում անելով Gulf Business-ին:

«Պարոն Բուրջի» պատկերներն արդեն հայտնվել են սոցիալական ցանցերի՝ երկնաքերի Էջերում: Ենթադրվում Է, որ Դուբայում նրա մասնակցությամբ երեխաների համար կկազմակերպվեն հատուկ միջոցառումներ: Բացի դրանից, շուտով «Պարոն Բուրջի» փոքրիկ պատկերաքանդակներ կստանան քաղաքի խանութները:

«Բուրջ Խալիֆան» այսօրվա դրությամբ աշխարհի ամենաբարձր շենքն Է: Դուբայում կառուցված աշտարակի երկարությունը կազմում Է գրեթե 830 մետր: