Եղիսաբեթ Երկրորդ թագուհին երկու տարվա ընթացքում երկրորդ գրառումն է հրապարակել Twitter-ում

ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Մեծ Բրիտանիայի Եղիսաբեթ Երկրորդ թագուհին իր կյանքում երկրորդ գրառումն է հրապարակել Twitter սոցիալական ցանցում: Այն հայտնվել է Վինձորի պալատի միկրոբլոգում Elizabeth R ստորագրությամբ, տեղեկացնում է «Արմենպրես»-ը:

«Ես անչափ երախտապարտ եմ բարեմաղթանքներով այն բազմաթիվ էլեկտրոնային հաղորդագրությունների համար, որոնք ես ստացել եմ, եւ կցանկանայի շնորհակալություն հայտնել ձեզ ձեր սիրալիրության համար»,- ասված է հաղորդագրության մեջ:

Կարճ ժամանակ անց միկրոբլոգում գրառում է հայտնվել այն մասին, որ «այդ թվիթն անձամբ Է գրվել է Նորին մեծություն թագուհու կողմից»:

Այսպիսով, Եղիսաբեթ Երկրորդն արդեն երկրորդ անգամ է ինտերնետ-օգտատերերին դիմում Twitter-ի միջոցով: 2014 թվականի հոկտեմբերին նա իր անունից Վինձորի պալատի միկրոբլոգում առաջին հաղորդագրությունն էր հրապարակել Լոնդոնի նշանավոր Գիտության թանգարանի նոր թեւի բացման ժամանակ, որում տեղավորվել է ինֆորմատիկային եւ հաղորդակցություններին նվիրված ցուցադրանքը, հաղորդել է ՏԱՍՍ-ը:

I am most grateful for the many digital messages of goodwill I have received and would like to thank you all for your kindness. Elizabeth R.

— The Royal Family (@RoyalFamily) 21 июня 2016 г.