Բակո Սահակյանը Մանվել Գրիգորյանի և Լևոն Մնացականյանի հետ այցելել է ԼՂՀ հարավային սահմանագծի հատված
1 րոպեի ընթերցում
![Բակո Սահակյանը Մանվել Գրիգորյանի և Լևոն Մնացականյանի հետ այցելել է ԼՂՀ հարավային սահմանագծի հատված](http://armenpress.am/resized/480/static/news/b/2016/05/847881.jpg)
ՍՏԵՓԱՆԱԿԵՐՏ, 19 ՄԱՅԻՍԻ, ԱՐՄԵՆՊՐԵՍ: Արցախի Հանրապետության Նախագահ Բակո Սահակյանը մայիսի 19-ին այցելել է հանրապետության հարավային սահմանագծի հատվածներից մեկը, տեղում ծանոթացել զինվորների ծառայության ընթացքին եւ տիրող իրավիճակին, տվել համապատասխան հանձնարարականներ դրված խնդիրների լուծման ուղղությամբ:
Ինչպես «Արմենպրես»-ին տեղեկացրին Արցախի Հանրապետության Նախագահի աշխատակազմի տեղեկատվության գլխավոր վարչությունից, Նախագահին ուղեկցում էին պաշտպանության նախարար Լեւոն Մնացականյանը, Երկրապահ կամավորականների միության վարչության նախագահ Մանվել Գրիգորյանը, պաշտոնատար այլ անձինք: