Microsoft-ը դարձել Է պատմության մեջ IT-հատվածի առաջին ընկերությունը, որը մասնակցել Է ՄԱԿ-ի ԱԽ-ի նիստին
2 րոպեի ընթերցում
ԵՐԵՎԱՆ, 12 ՄԱՅԻՍԻ, ԱՐՄԵՆՊՐԵՍ: Microsoft-ը մայիսի 11-ին դարձել Է պատմության մեջ IT-հատվածի առաջին ընկերությունը, որը մասնակցել Է ՄԱԿ-ի Անվտանգության խորհրդի նիստին, տեղեկացնում Է «Արմենպրես»-ը:
Ծայրահեղական գաղափարախոսության հակազդմանը նվիրված հանդիպման ընթացքում կորպորացիայի փոխնախագահ Սթիվեն Քրաունը հայտարարել Է, որ «ահաբեկչության կողմից ինտերնետ-ինդուստրիայի համար սպառնալիքի մասշտաբները վհատեցնում են»:
Նրա խւսքով՝ ինդուստրիան պատրաստի լուծում, «արծաթե փամփուշտ» չունի, որը թույլ տար «կանգնեցնել ահաբեկիչների կողմից Համացանցի օգտագործումը»: Բացի այդ, նա մատնանշել Է շուկայի խոշորագույն խաղորդների միջեւ տարբերությունները, խաղորդներ, որոնց թվին Է նա դասել Microsoft-ը, Google-ը,Facebook-ը եւ Twitter-ը:
«Երբեմն մենք անզիջում մրցակցում ենք: Բայց մենք միավորվեցինք, երբ տեսանք, թե ինչի համար են օգտագործվում մեր հարթակները: Թերեւս, մեր համատեղ աշխատանքի ամենալավ օրինակը գլոբալ մասշտաբով համագործակցությունն Է մանկապղծության դեմ պայքարին»,- նշել Է Քրաունը: Նա ընդգծել Է, որ IT-հատվածի ընկերությունները պատրաստ են քննարկել «բռնության, ավերումների եւ սպանությունների համար» տեղեկատվական-հեռահաղորդակցական տեխնոլոգիաների օգտագործման դեմ պայքարի ուղիները, հաղորդել Է ՏԱՍՍ-ը: