Հունաստանի հայերը Թուրքիայի և Ադրբեջանի դեսպանատների առջև բողոքի ցույց են անցկացրել

2 րոպեի ընթերցում

ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Մեծ եղեռնի նահատակների հիշատակին Հունաստանի հայկական համայնքի ներկայացուցիչները բողոքի ցույց են անցկացրել Աթենքում՝ Թուրքիայի և Ադրբեջանի դեսպանատների ու թուրքական հյուպատոսարանի առջև:

Հայոց ցեղասպանության 101-րդ տարելիցի, ինչպես նաև ադրբեջանական կողմի իրականացրած ռազմական գործողությունների և վայրագության կապակցությամբ Հունաստանի «Երիտասարդական միության» նախաձեռնությամբ հարյուրավոր հայեր ապրիլի 23-ին և 24-ին Հայ դատի պայքարը առաջ մղելու և իրավունքի ու արդարության վերահաստատման պահանջ են ներկայացրել: «Արմենպրես»-ի փոխանցմամբ՝ Աթենքի «Ազատ օր» թերթը հայտնում է, որ ցույցին մասնակից հայ երիտասարդներից բացի ներկա էին նաև հույն-պոնտական կազմակերպությունների ներկայացուցիչներ ու ասորիներ:

Բողոքի ցույցի մասնակիցները Հայաստանի և Հունաստանի դրոշներով, հատուկ շապիկներով, պաստառներով, բարձրախոսերով ու տարբեր լոզունգներով նախ շարժվել են դեպի Թուրքիայի դեսպանատուն, սակայն, հանդիպել են ոստիկանության դիմադրությանը: Ինչպես նշում է «Ազատ օր» թերթը, ոստիկանությունը խախտել է ՀՅԴ Հայ դատի հանձնախմբին ցույցը արտոնելու նախօրոք տված խոստումը: Ոստիկանության հետ հանձնախմբի անդամների բանակցությունները արդյունք չեն տվել, և ցուցարարները, իբրև դժգոհության և ընդվզման նշան, այրել են թուրքական դրոշը:

Մասնակիցները որոշել են տեղափոխել ցույցն այլ հրապարակ և վերադարձի ճանապարհին կանգ են առել Ադրբեջանի դեսպանատան առջև:

Հայերեն English

Կայացել է «Հարավկովկասյան երկաթուղու» կառավարման արդյունավետության հետ կապված խնդիրները քննարկելու նպատակով ստեղծված աշխատանքային խմբի առաջին հանդիպումը

ԱՄՆ-ում դադարեցրել են երթուղիչների տեղադրումը՝ օդային հաղորդակցության համակարգում խափանումից հետո․ լրատվամիջոց

«Ֆոտոլուր»-ը հաղթել է հեղինակային իրավունքի խախտման առնչությամբ դատական գործում

Միացյալ Նահանգները նախատեսում է մինչև դեկտեմբեր որոշում կայացնել Եվրոպայում իր զորքերի ներկայության վերաբերյալ

Եմենում առնվազն 9 մարդ է զոհվել արաբական դաշինքի հասցրած հարվածներից

Միրզոյանն ամփոփել է Բրյուսել աշխատանքային այցը

Ազգային ժողովի Հայաստան-Ֆինլանդիա, Նորվեգիա բարեկամական խմբի անդամները հանդիպել են ՀՀ-ում Ֆինլանդիայի դեսպանին

Հաագայի դատարանը հերթական դատավճիռն է կայացրել Կոսովոյի ալբանացի զինյալների նախկին առաջնորդի նկատմամբ

Ուժեղ պայթյուն է որոտացել իրանական Քեշմ կղզու մոտակայքում

Դավիթ Խուդաթյանը հանդիպումներ է ունեցել Իրանի փոխնախագահի, էներգետիկայի և նավթի նախարարների հետ