Ադրբեջանական կողմի վայրագությունների հարցը ներկայացվել է ՄԱԿ-ի մարդու իրավունքների հանձնակատարի գրասենյակ
1 րոպեի ընթերցում
ԵՐԵՎԱՆ, 13 ԱՊՐԻԼԻ, ԱՐՄԵՆՊՐԵՍ: Ադրբեջանի կողմից քաղաքացիական անձանց դեմ իրականացված վայրագությունների վերաբերյալ իրավական գործընթացի մեկնարկը տրված է: Ինչպես հաղորդում է «Արմենպրես»-ը, Հանրային հեռուստաընկերության եթերում ՀՀ արտաքին գործերի նախարար Էդվարդ Նալբանդյանը հայտարարեց, որ խնդրի առնչությամբ համապատասխան փաստաթղթերը և նամակն այսօր ներկայացվել է ՄԱԿ-ի մարդու իրավունքների հանձնակատարի գրասենյակ:
ՀՀ պաշտպանության նախարարության տարածած հաղորդագրության համաձայն` ապրիլի 2-13-ն ընկած ժամանակահատվածում ադրբեջանական կողմի գործողությունների արդյունքում զոհվել է Լեռնային Ղարաբաղի Հանրապետության չորս քաղաքացի: