1 րոպեի ընթերցում
ԵՐԵՎԱն, 7 ԱՊՐԻԼԻ, ԱՐՄԵՆՊՐԵՍ: Լեռնային Ղարաբաղում հակառակորդի կողմից ապրիլի 6-ին շտապօգնության ավտոմեքենա է խոցվել: Այս մասին «Արմենպրես»-ին տեղեկացրեց Լեռնային Ղարաբաղի Հանրապետության նախագահի մամուլի քարտուղար Դավիթ Բաբայանը:
«Սա ևս մեկ անգամ խոսում է այն մասին, որ ի դեմս Ադրբեջանի, մենք գործ ունենք ահաբեկչական պետության հետ: Շտապօգնության ավտոմեքենան Ժնեևյան կոնվենցիայի դրութների համաձայն չի կարող լինել խոցելի օբյեկտ: Անհնար է դա, չի կարող այդպես լինել, դա հակասում է միջազգային մարդասիրական բոլոր նորմերին: Սա ցույց է տալիս, որ Ադրբեջանը չի հարգում որևէ իրավական մարդասիրական նորմ»,-ասաց Դավիթ Բաբայանը:
Նրա փոխանցմամբ, անձնակազմը բարբախտաբար չի տուժել, խոցման պահին անձնակազմի անդամները գտնվում էին հեռու: Ըստ Դավիթ Բաբայանի` այդ խոցումը կատարվել է դիտարվորյալ, ըստ երևույթին, ավտոմեքենան թիրախավորել են անօդաչու սարքից ստացված տեղեկության հիման վրա:
Դավիթ Բաբայանը տեղեկացրեց, որ գիշերը տեղ-տեղ հակառակորդը շարունակել է կրակել: «Ներկայում կարող ենք ասել, որ հարաբերական անդորր է»,-ասաց Դավիթ Բաբայանը: