Google-ը կստեղծի Periscope-ի նմանակը

ԵՐԵՎԱՆ, 24 ՄԱՐՏԻ, ԱՐՄԵՆՊՐԵՍ: Google ընկերությունն սկսել Է տեսահաղորդումների YouTube Connect սեփական ծառայության մշակումը: Սպասվում Է, որ այն կաշխատի իր մրցակիցների՝ Periscope-ի եւ Facebook Live-ի համանմանությամբ: Այս մասին, ինչպես տեղեկացնում Է «Արմենպրես»-ը, հաղորդել Է VentureBeat-ը:

YouTube Connect մուտքը կիրականացվի YouTube-ի կամ Google-ի հաշիվներով: Տեսահաղորդումները կպահպանվեն օգտատիրոջ ալիքում, ուստի նրա բաժանորդները կկարողանան դրանք դիտել ցանկացած պահի: YouTube Connect-ում նաեւ նախատեսված կլինի նորությունների ժապավենի նմանակ, որտեղ կհավաքվեն վերջին տեսագրություններն այն հաշիվներից, որոնց օգտատերը բաժանորդագրված Է YouTube-ում:

Ծառայությունը մատչելի կլինի Android կամ iOS գործառական համակարգով դեվայսների համար:

YouTube Connect-ի գործարկման ժամկետներն առայժմ չեն հայտնվում, սպասվում Է, որ Google-ն այս տեղեկատվությունը կճշտի մշակողների՝ մայիսին Սան Ֆրանցիսկոյում կայանալիք խորհրդաժողովում: