368.12
Nike-ը ներկայացրել Է ինքնաքուղակապվող մարզակոշիկներ
1 րոպեի ընթերցում
ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Nike ընկերությունը ինքնաբերաբար քուղակապվող մարզակոշիկների մոդել Է ներկայացրել, տեղեկացնում Է «Արմենեպրես»-ը՝ հղում անելով BBC-ին:
HyperAdapt մոդելի մարզակոշիկների քուղերն իրենք են ձգվում այն բանից հետո, երբ կրունկի շրջանում հատուկ տվիչը գրանցում Է, որ ներբանը լիովին մտել Է կոշիկի մեջ: Քուղակապը կարելի Է ձգել կամ հակառակը՝ թուլացնել կողերին ամրացված կոճակների միջոցով:
Սպասվում Է, որ այս մոդելը առաջինը կդառնա ինքնաշխատ քուղակապմամբ կոշիկների ամբողջ շարքում: Ընկերությունը մտադիր Է կազմակերպել նման մարզակոշիկների զանգվածային թողարկում: Վաճառքների մեկնարկը նախատեսված Է արդեն այս տարի, ըստ որում այդ մարզակոշիկների գինն առայժմ չեն հայտնում:
Ավելի վաղ նման կոշիկների սեփական տարբերակն Է ցուցադրել Puma ընկերությունը: Անցյալ տարվա նոյեմբերին նա ներկայացրել Է Autodisc մարզակոշիկների նախատիպը, որոնց վրա քուղերը նույնպես ինքնաբերաբար են ձգվում, սակայն արտաքին հատուկ կոճակը սեղմելուց, այլ ոչ թե ներբանը կոշիկի մեջ մտցնելուց հետո:
Բաժանորդագրվեք մեր ալիքին Telegram-ում