1 րոպեի ընթերցում
ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ: Շոտլանդիայի թագավորական բանկը (Royal Bank of Scotland, RBS)` Մեծ Բրիտանիայի խոշորագույն վարկային հաստատություններից մեկը, պլանավորում Է կրճատել 550 աշխատատեղ, որոնք կփոխարինվեն ռոբոտ-խորհրդականներով, հաղորդում Է «Արմենպրես»-ը՝ հղում անելով The Guardian-ին: Ռոբոտները հանձնարարականներ են տալու սովորական հաճախորդներին, որոնք ներդնելու են համեմատաբար ոչ մեծ գումարներ (սկսած 500 ֆունտ ստեռլինգից): Կենդանի խորհրդականների թիմը կմնա միայն այն մարդկանց համար, ովքեր ներդնում են 250 հազար ֆունտից սկսած գումարներ:
Ավտոմատ համակարգերը հաճախորդներին խորհուրդներ են տալու՝ ելնելով հատուկ հարցարանին վերջիններիս պատասխաններից: Այս քայլը ծախսերի նվազեցման միջոցներից մեկն Է, որոնք բանկի ղեկավարության կողմից ընդունվել են դժվարին ֆինանսական իրադրության ֆոնին: 2015 թվականի արդյունքներով, բանկը, որը 73 տոկոսով պատկանում Է պետությանը, 2 մլրդ ֆունտ ստեռլինգի կորուստներ Է կրել: