1 րոպեի ընթերցում
ԵՐԵՎԱՆ, 23 ՓԵՏՐՎԱՐԻ, ԱՐՄԵՆՊՐԵՍ: Telegram մեսենջերի արտիվ օգտատերերի թիվը հասել Է ամսական 100 միլիոնի ցուցանիշին: Այդ մասին, ինչպես տեղեկացնում Է «Արմենպրես»-ը, հաղորդվում Է նախագծի բլոգում:
«Այժմ Telegram-ն ունի ավելի քան 100 միլիոն ակտիվ օգտատերեր, 350 հազար օգտատերեր գրանցվում են ամեն օր: Օրական մենք տեղ ենք հասցնում շուրջ 15 մլրդ հաղորդագրություն»,-նշվում Է մամուլի տեղեկագրում:
Telegram-ն անվճար կրոսպլատֆորմային մեսենջեր Է սմարթֆոնների եւ այլ սարքերի համար, որոնք թույլ են տալիս փոխանակել տեքստային հաղորդագրություններ եւ տարբեր ձեւաչափերի մեդիաֆայլեր: Այն գործարկվել Է «ՎԿոնտակտե»-ի հիմնադիր Պավել Դուրովի կողմից 2013 թվականին, հաղորդել Է ՏԱՍՍ-ը: