3 րոպեի ընթերցում
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Եվրասիական տնտեսական միությունը դիտարկում է Իրանի հետ տնտեսական ակտիվ համագործակցության հնարավորությունը: Փետրվարի 8-ին լրագրողների հետ հանդիպմանն այս մասին հայտնեց ԵՏՀ մակրոէկոնոմիկայի ինտեգրման հիմնական ուղղությունների կոլեգիայի անդամ Տատյանա Վալովայան: «Իրանը մեզ համար շատ հետաքրքիր երկիր է, և մենք դիտարկում ենք այդ երկրի հետ տնտեսական կապերը խորացնելու հնարավորությունը: Ես պետք է ասեմ, որ երբ մենք քննարկում էինք այն հեռանկարներն ու առավելությունները, որոնք կարող է ստանալ Հայաստանը՝ անդամակցելով Եվրասիական տնտեսական միությանը, շատ լավ հասկանում էինք, որ այդ ուղղություններից մեկն էլ հենց Եվրասիական տնտեսական միության և Իրանի համագործակցության խորացումը կլինի»,- «Արմենպրես»-ի հաղորդմամբ՝ նշեց Վալովայան:
Նա հավելեց, որ հիմա, երբ Հայաստանն արդեն Եվրասիական տնտեսական միության անդամ է, Իրանի հետ տրանսպորտի, լոգիստիկայի, առևտրատնտեսական ոլորտներում համագործակցության հնարավորությունները մեծանում են: «Իհարկե, Իրանի նկատմամբ տնտեսական պատժամիջոցների չեղարկումը նոր, լրացուցիչ հնարավորություններ է ստեղծում համագործակցության համար: Ես վստահ եմ, որ մոտ ժամանակահատվածում մենք կտեսնենք Իրանի և ԵԱՏՄ-ի միջև տնտեսական կապերի խորացում»,- եզրափակեց Վալովայան:
Եվրասիական տնտեսական միությունը միջազգային ինտեգրացիոն տնտեսական միավորում է, որը հիմնադրվել էԵվրասիական տնտեսական ընկերակցության Մաքսային միությանհիման վրա՝2014թվականիմայիսի 29-ի պայմանագրի ստորագրմամբ և ուժի մեջ է2015թվականիհունվարի 1-ից։ ԵԱՏՄ-ում ապահովվում է ապրանքների, ծառայությունների, կապիտալի և աշխատուժի ազատ տեղաշարժը, ինչպես նաև համակարգված, համաձայնեցված կամ միասնական քաղաքականություն վարումը տնտեսության բնագավառում:
Եվրասիական տնտեսական միության անդամ պետություններւն են՝ Հայաստանի Հանրապետությունը, Բելառուսի Հանրապետությունը, Ղազախստանի Հանրապետությունն ու Ռուսաստանի Դաշնությունը:
ԵՏԱՄ-ն ստեղծվել է ազգային տնտեսությունների բազմակողմանի արդիականացման, կոոպերացիայի, մրցունակության բարձրացման և անդամ պետությունների բնակչության կենսունակության բարձրացման համար կայուն պայմաններ ստեղծելու նպատակով: