2 րոպեի ընթերցում
ԵՐԵՎԱՆ, 3 ՓԵՏՐՎԱՐԻ, ԱՐՄԵՆՊՐԵՍ: 65-ից մինչեւ 79 տարեկան մարդիկ ամենաերջանիկն են, ասված Է Մեծ Բրիտանիայի ազգային վիճակագրության վարչության ուսումնասիրության մեջ, տեղեկացնում Է «Արմենպրես»-ը՝ հղում անելով BBC-ին:
Ավելի քան 300 հազար չափահաս բրիտանացիների շրջանում անցկացված հարցումը ցույց Է տվել, որ երջանկության եւ կյանքից բավարարվածության զգացումը բարձրակետին Է հասնում այս տարիքային խմբում, բայց 80-ամյա սահմանագիծն անցնելուց հետո անկում Է ապրում:
Անբավարարվածության զգացումը առավել հաճախ Է նկատվում 45-ից մինչեւ 59 տարեկան մարդկանց՝ մեծ մասամբ տղամարդկանց մոտ: Այս տարիքային խմբում նաեւ նշվել Է տագնապի ամենաբարձր մակարդակը:
Ըստ ուսումնասիրողների վարկածի, այս տարիքային խմբի ներկայացուցիչների շրջանում սեփական բարեկեցության ցածր գնահատականի հնարավոր պատճառը կարող Է լինել միաժամանակ երեխաներին եւ տարեց ծնողներին խնամելու բեռը:
Հասուն տարիքի մարդկանց մոտ կյանքից անբավարարվածության զգացողության մյուս հավանական գործոնը կարող Է լինել աշխատանքի եւ ընտանեկան պարտավորությունների միջեւ մշտապես հավասարակշռություն պահպանելու անհրաժեշտությունը:
Իսկ ահա ավելի երիտասարդները եւ կենսաթոշակի անցածներն ավելի շատ ազատ ժամանակ ունեն իրենցով զբաղվելու համար, ասված Է հետազոտության մեջ: