«Ռայո Վալեկանո»-ն պաշտոնապես հաստատեց Օզբիլիսի տեղափոխությունը

ԵՐԵՎԱՆ, 29 ՀՈՒՆՎԱՐԻ, ԱՐՄԵՆՊՐԵՍ: Իսպանական «Ռայո Վալեկանո» ակումբը հաստատել է, որ Հայաստանի ազգային հավաքականի և թուրքական «Բեշիկթաշ»-ի կիսապաշտպան Արաս Օզբիլիսը ելույթները շարունակելու է մադրիդյան ակումբի կազմում:

Ինչպես հաղորդում է «Արմենպրես»-ը, մադրիդյան ակումբի «Թվիթեր»-ի պաշտոնական էջում տեղադրվել է հետևյալ գրառումը. «Արաս Օզբիլիը պաշտոնապես դարձել է «Ռայո Վալեկանո»-ի նոր ֆուտբոլիստը «Բեշիկթաշ»-ի հետ հաջող գործարքի արդյունքում»:

Արաս Օզբիլիսը թուրքական «Բեշիկթաշ» է տեղափոխվել Մոսկվայի «Սպարտակ»-ից: Ֆուտբոլիստ թուրքական ակումբի հետ կնքել է 4.5 տարվա պայմանագիր, իսկ մինչ ընթացիկ մրցաշրջանի ավարտը վարձավճարով հանդես կգա իսպանական Լա լիգան ներկայացնող «Ռայո Վալեկանո» ակումբում: