2 րոպեի ընթերցում
ԵՐԵՎԱՆ, 29 ՀՈՒՆՎԱՐԻ, ԱՐՄԵՆՊՐԵՍ: Ամերիկացի գիտնականները հայտնաբերել են մտագարության զարգացմանը նպաստող ծագումնաբանական մեխանիզմը: Ըստ The Washington Post թերթի հաղորդագրության՝ դա կարող Է «բեկումանային պահ» դառնալ այս հիվանդության դեմ պայքարի բնագավառում, տեղեկացնում Է «Արմենպրես»-ը:
Մասաչուսեթսի տեխնոլոգիական ինստիտուտին կից Սթենլիի անվան Հոգեբանական հետազոտությունների կենտրոնի տնօրեն Սթիվեն Հայմանը, որն անցյալում գլխավորել Է Հոգեբուժության ազգային ինստիտուտը, հրատարակությանը հայտարարել Է, որ հայտնագործությունը կարող Է ճանապարհ բացել դեպի վաղ ախտորոշումը եւ շիզոֆրենիայի բուժման նոր եղանակները, որոնք տակավին մեկ տարի առաջ աներեւակայելի Էին:
Մասաչուսեթսի տեխնոլոգիական ինստիտուտի, ինչպես նաեւ Հարվարդի համալսարանի եւ Բոստոնի մանկական հիվանդանոցի ամերիկացի գիտնականները պարզել են, որ շիզոֆրենիայի զարգացման ռիսկը կտրուկ բարձր Է այն մարդկանց մոտ, ովքեր ժառանգական շեղումներ ունեն այն գեներից մեկում, որոնք պատասխանատու են այսպես կոչված «սինապտիկական փրունինգի»՝ անհարկավոր նեյրոնների եւ ուղեղի բջիջների հասունացման դեպքում դրանց միջեւ կապերի թվի կրճատման համար:
Հրապարակման համաձայն՝ շիզոֆրենիայով տառապող հիվանդների մոտ ԴՆԹ-ի հաջորդականության մեջ մեն-միակ դիրքի փոփոխությունն արդյունքում հանգեցնում Է ուղեղի «գորշ նյութի աննորմալ կորստի»:
Աշխատանքի մասին մասնագիտական հաշվետվությունը տպագրված Է Nature հանդեսում, հաղորդել Է ՏԱՍՍ-ը: