Հերոսաբար զոհված Ազատ Ասոյանի եղբայրները հուզեցին բանակի տոնին նվիրված համերգի հանդիսատեսին

2 րոպեի ընթերցում

ԵՐԵՎԱՆ, 28 ՀՈՒՆՎԱՐԻ, ԱՐՄԵՆՊՐԵՍ: Հայոց բանակի 24-րդ տարեդարձին նվիրված համերգը լի էր հայրենասիրական ոգով, հուզիչ, բայցև խրոխտ ելևէջներով: Երգիչ Ռազմիկ Ամյանը, երբ հանդիսատեսին ներկայացրեց օրորոցային երգ` նվիրված հակառակորդի դիվերսիոն հարձակումը հետ մղելիս զոհված Ազատ Ասոյանին և նրա եղբայր 6-ամսական Նարեկին, բեմահարթակ բարձրացան Ազատի երկու կրտսեր եղբայրները` Սարո և Նարեկ Ասոյանները: «Արմենպրես»-ի փոխանցմամբ` կոկորդում հազիվ զսպելով հուզմունքը` ապագա զինվոր Սարո Ասոյանը խոսեց մանկության իր սովորության մասին, որն այսօր ավելի քան ցանկալի գործողություն է: «Ես մանկուց ամեն առավոտ սովորության կարգով նայում էի մեր տան պատուհանից, գիտեք ինչու, որովհետև երևում է Եռաբլուրը: Հիմա առավել պարտավորված եմ նայում, այնտեղից մեզ Ազատն է հսկում»,-ասաց տղան: Սարո Ասոյանը նկատեց, որ ամիսներ հետո բանակ է գնալու, բայց տխրում է, որ Ազատն իրեն չի ճանապարհելու բանակ: «Բայց ոչինչ, տարիներ հետո Նարեկին էլ ես կճանապարհեմ և իմ, և Ազատի փոխարեն: Եվ համոզված եմ, որ Հայաստանն այդ ժամանակ խաղաղ ու անվտանգ է լինելու»,-նշեց Ազատ Ասոյանի եղբայրը: Դահլիճը հոտնկայս ծափահարեց Ազատի եղբայրներին:

2014 թ-ի հուլիսի 31-ին մարտական դիրքերի մատույցներին մոտեցած հակառակորդի հատուկ նշանակության դիվերսիոն խմբի անդամների հետ ձեռնամարտի արդյունքում զոհվել են ՊԲ զինծառայողներ, 1994թ. ծնված Ազատ Արթուրի Ասոյանն ու Արարատ Վաչիկի Խանոյանը:

2015 թվականի հուլիսի 7-ին Ազատ Ասոյանի ընտանիքում համալրում եղավ, ծնվեց Նարեկ Ասոյանը:

Լուսանկարը Սարո Ասոյանի ֆեյսբուքյան էջից

Հայերեն

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ

Ինչու են մայրամուտի և արևածագի ժամանակ ամպերը կարմիր կամ կարմրանարնջագույն երանգ ստանում․ մանրամասնում է Գագիկ Սուրենյանը

Հայաստանն ու Իրանը քննարկել են բարձր տեխնոլոգիաների ոլորտում համագործակցությունը զարգացնելու հեռանկարները

Հայաստանի ֆուտբոլի ֆեդերացիայի նախագահի պաշտոնի համար կպայքարեն Գևորգ Ղազարյանն ու Դենիս Ջորկաեֆը