1 րոպեի ընթերցում
ԵՐԵՎԱՆ, 14 ՀՈՒՆՎԱՐԻ, ԱՐՄԵՆՊՐԵՍ: Powerball վիճակախաղի 1,6 մլրդ դոլարի շահումը կբաժանվի երեք հաղթողների միջեւ, որոնք տոմսերը ձեռք են բերել Թեննեսիի, Կալիֆոռնիայի եւ Ֆլորիդայի նահանգներում, տեղեկացնում Է «Արմենպրես»-ը՝ հղում անելով Reurers գործակալությանը:
Ջեքփոթը շահածների անուններն առայժմ չեն նշվում:
Վիճակախաղի պայմաններով՝ շահումը բաժին Է հասնում նրան, ով ճիշտ Է գուշակում հինգ սպիտակ գնդերի գումարած մեկ կարմիր գնդի համարները, կարմիր գունդ, որն Էլ կրում Է Powerball անվանումը: Բոլոր վեց բաղձալի համարները ճիշտ որոշելու շանսը մոտավորապես 292 միլիոնից մեկն Է:
Կանոնների համաձայն՝ հաղթողը կարող Է ջեքփոթն ստանալ մաս առ մաս 29 տարվա ընթացքում կամ դրա տերը դառնալ միանգամից: Վերջին դեպքում շահման գումարը կիսով չափ պակասում Է՝ չհաշված հարկերը, որոք տարբերվում են ըստ նահանգների:
Powerball վիճակախաղն անցկացվում Է 44 նահանգներում, Կոլումբիայի ֆեդերալ օկրուգում, ԱՄՆ-ի Վիրգինյան կղզիներում եւ Պուերտո Ռիկոյում: Տոմսի գինը 2 դոլար Է: Դրանց վաճառքից ընդհանուր հասույթը հասնում Է մի քանի միլիարդ դոլարի: