2 րոպեի ընթերցում
ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ: Casio G-Shock ժամացուցային առեւտրանիշը Johnny Cupcakes ընկերության հետ համատեղ ներկայացրել Է ժամացույցի լիմիտավորված հավաքածու, որի դիզայնը ոգեշնչված Է քափքեյքներից: Այս մասին, ինչպես տեղեկացնում Է «Արմենպրես»-ը, ասված Է բրենդի մամուլի տեղեկագրում:
Հիմքում հանրաճանաչ GDX6900 մոդելն Է: Ժամացույցը պատրաստված Է փիրուզի գույնով, պատյանի վրա կան վարդագույն, կապույտ եւ սպիտակ մի քանի շերտագծեր, որոնք նմանակում են հրուշակային ցանը: Ներսարքված մարտկոցիկը նախատեսված Է 10 տարվա անընդհատ աշխատանքի համար: Թվացույցը կարող Է լուսավորվել վարդագույն, իսկ ժամացույցի հետեւի կողմում փորագրված Է Johnny Cupcakes լոգոտիպը – քափքեյք եւ խաչված ոսկորներ, ինչպես ծովահենների դրոշի վրա:
Casio ընկերությունը հիմնվել Է 1946 թվականին Տոկիոյում: Մասնագիտացած Է Էլեկտրոնային սարքերի (հաշվասարքերի, լուսանկարչական խցիկների, երաժշտական գործիքների, պլանշետների), ինչպես նաեւ ձեռքի ժամացույցների արտադրության բնագավառում: 1957 թվականին մակնիշը թողարկել Է աշխարհում առաջին լիովին Էլեկտրոնային հաշվասարքը (14-A մոդել):
G-Shock առեւտրանիշով թողարկվում են հարվածադիմացկուն Էլեկտրոնային եւ անալոգային ժամացույցներ տղամարդկանց եւ կանանց համար: Առաջին ժամացույցները վաճառքում հայտնվել են 1983 թվականին եւ սկզբնապես նախատեսված Էին Էքստրեմալ պայմաններում օգտագործելու համար: