1 րոպեի ընթերցում
ԵՐԵՎԱՆ, 5 ՆՈՅԵՄԲԵՐԻ, ԱՐՄԵՆՊՐԵՍ: Ամերիկացի ռեփեր Փի Դիդին (նաեւ հայտնի Է որպես Փաֆ Դեդի) անսպասելիորեն նոր ալբոմ Է թողարկել ռեփի բազմաթիվ աստղերի մասնակցությամբ՝ Լիլ Քիմից մինչեւ Վիզա Խալիֆ, հաղորդում Է «Արմենպրես»-ը՝ հղում անելով NME-ին:
Երաժիշտի վեցերորդ սկավառակը՝ MMM (Money Making Mitch) վերտառությամբ, թողարկվել Է արտիստի ծննդյան 46-ամյակի օրը՝ առանց որեւիցե նախնական գովազդի: Այն հասանելի Է ազատ ներբեռնման համար:
Հայտնի Էր, որ վերջին մեկուկես տարում ռեփերն աշխատում Էր միանգամից երկու ալբոմների վրա:
Փի Դիդին (իսկական անունը՝ Շոն Քոմբս) առաջին տեղն Է զբաղեցրել աշխարհի ամենահարուստ ռեփերների վարկանիշում, որը 2015 թվականին կազմել Է Forbes հանդեսը: Բացի երաժշտական գործունեությունից, նա հայտնի Է նաեւ որպես բիզնեսմեն, որը Sean John բրենդի սեփականատերն Է, Revolt հեռուստատեսային ցանցի եւ օղի ու խմելու ջուր արտադրող ընկերությունների բաժնետեր: