1 րոպեի ընթերցում
ԵՐԵՎԱՆ, 5 ՆՈՅԵՄԲԵՐԻ, ԱՐՄԵՆՊՐԵՍ: Ամերիկյան հեղինակավոր «Նյու Յորք թայմս»-ի ծաղրանկարիչ Պատրիկ Չապատեի հերթական ստեղծագործությունը նվիրված է Թուրքիայում արտահերթ խորհրդարանական ընտրություններից հետո երկրում ստեղծված իրավիճակին: Հեղինակը նկարն անվանել է «Ժամանակակից իսլամի փոխվող դեմքը»:
Ինչպես հաղորդում է «Արմենպրես»-ը, ծաղրանկարիչը պատկերել է սուլթան Էրդողանին, ով ժողովրդավարությունը խորհրդրանշող քվեատուփը ձեռքին` հայտարարում է, որ դա իրենց այլևս անհրաժեշտ չէ: Էրդողանի սեղանին դրված է քարտեզը, որտեղ նա զինվորականների հետ քննարկում է քրդերի դեմ գործողությունների ծրագիրը: