1 րոպեի ընթերցում
ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ: Ճապոնիայի Toyota Motors Corporation ավտոարտադրողը Տոկիոյի 44-րդ միջազգային ավտոսալոնի շրջանակներում ներկայացրել Է ռոբոտ, որի խնդիրն Է հաղորդակցվել վարորդի հետ եւ ուղեւորի ներկայության պատրանք ստեղծել ավտոմեքենայում, տեղեկացնում Է «Արմենպրես»-ը:
Kirobo Mini ռոբոտն ունակ Է գնահատելու վարորդի հուզական վիճակը խցիկների եւ միկրոֆոնի միջոցով, հաշվի առնելու նրա սովորությունները եւ նախապատվությունները, ինչպես նաեւ ստեղծելու երաժշտական ֆոն: Մարդու հետ շփվելիս սարքը կարող Է բանավոր խոսքը լրացնել ժեստերով: Ռոբոտը նավիգատորի գործառույթներով օժտված չԷ:
Toyota-ի ներկայացուցիչների կարծիքով՝ վարորդի մոտ կհայտնվի ավտոմեքենայում ուղեւորի առկայության զգացողություն: Բացի դրանից, ռոբոտը, չնայած իր ոչ մեծ գաբարիտներին՝ ընդամենը 10 սանտիմետր 200 գրամ քաշի դեպքում, պատրաստված Է մարդանման մարմնով: Ռոբոտը կգտնվի պատյանում, որը կտեղադրվի բաժակակալի մեջ: Առայժմ Kirobo Mini-ն կարող Է խոսել միայն ճապոներեն:
Ինչպես նշել Է «Ինտերֆաքս» գործակալությունը, ուղեւոր-ռոբոտի արժեքի եւ վաճառքների ժամկետի վերաբերյալ առայժմ ոչինչ չի հաղորդվում: