Կյանքը Երկրի վրա 300 մլն տարի ավելի վաղ Է ծնունդ առել, քան համարվում Էր առաջ. գիտնականներ

ԵՐԵՎԱՆ, 20 ՀՈԿՏԵՄԲԵՐԻ, ԱՐՄԵՆՊՐԵՍ: Կյանքը Երկրի վրա ծնունդ Է առել 300 մլն տարի ավելի վաղ, քան ընդունված Է համարել ժամանակակից գիտության մեջ: Այս եզրակացությանն են եկել մի խումբ գիտնականներ՝ պրոֆեսոր Մարկ Հարիսոնի գլխավորությամբ՝ Լոս Անջելեսի Կալիֆոռնիայի համալսարանից (UCLA), տեղեկացնում Է «Արմենպրես»-ը՝ հղում անելով NBC հեռուստաալիքին:

«Նորագույն հետազոտությունները ցույց են տալիս, որ մեր մոլորակի վրա կենդանի օրգանիզմները գոյություն են ունեցել արդեն 4,1 մլրդ տարի առաջ,- ասել Է Հարիսոնը:-Դա 300 մլն տարով ավելի Է երկրային կենսաբանական օրգանիզմների ծագման ժամկետների առկա գնահատումներից»:

Անսպասելի հայտնագործությունը մասնագետների կողմից արվել Է ցիրկոնի հնագույն բյուրեղների ուսումնասիրման ընթացքում, որոնք գտնվել են Արեւմտյան Ավստրալիայում: Դրանց մեջ հայտնաբերվել են ածխածնային գոտիներ, որոնք, Հարիսոնի պնդմամբ, իրենցից ներկայացնում են այն ժամանակ գոյություն ունեցած կենսաբանական օրգանիզմների կենսագործունեության արդյունքներ, հաղորդել Է ՏԱՍՍ-ը: