2 րոպեի ընթերցում
ԵՐԵՎԱՆ, 13 ՀՈԿՏԵՄԲԵՐԻ, ԱՐՄԵՆՊՐԵՍ: Գիտության, տեխնոլոգիաների և ձեռներեցության ծրագրի «Գաղափարից դեպի շուկա» դրամաշնորհային մրցույթի հաղթողներն արդեն հայտնի են: 6 հազար ԱՄՆ դոլար CRDF Global կազմակերպությունից և 2 միլիոն 800 հազար դրամ ՀՀ էնոնոմիկայի նախարարության կողմից դրամաշնորհի արժանացած ստարտափերն են` Scycryptor-ը, Movie Trip-ը, InstaJob-ը, Tree Scale-ը, Localz-ը:
«Արմենպրես»-ի փոխանցմամբ` Արմթեք ամենամյա համաժողովի շրջանակում անցկացված մրցույթն անցկացվել է արդեն 9-րդ անգամ, այն նախատեսված է գիտնականների ու տեխնոլոգիական ոլորտի նորարարական գաղափարների համար: Այս տարի մրցույթին դիմել է 90 նախագիծ, որոնցից եզրափակիչ փուլ անցել ու ժյուրիին ներկայանալու հնարավորություն են ստացել 26-ը:
«Գաղափարից դեպի շուկա» դրամաշնորհային մրցույթի կազմակերպիչներն են Քաղաքացիական հետազոտությունների ու մշակումների հիմնադրամը` CRDF Global կազմակերպությունը, ՀՀ էկոնոմիկայի նախարարությունը և Ձեռնարկությունների ինկուբատոր հիմնադրամը: Ծրագրի նպատակն է խթանել ձեռներեցության զարգացումը տեխնոլոգիական ոլորտում, նպաստել նորարարական գաղափարների առևտրայնացմանը Հայաստանի զարգացմանը նպաստող տեղեկատվական, հեռաղորդակցական ու բարձր տեխնոլոգիաների, ճարտարագիտության, մաքուր տեխնոլոգիաների, գյուղատնտեսության ոլորտներում:
Բացի տրամանդրվող ուղղակի աջակցությունից, հաղթող թիմերին կցվում են մենթորներ ԱՄՆ-ից: