1 րոպեի ընթերցում
ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: Ծխելը մոտ ժամանակներս կարող Է դառնալ Չինաստանի երիտասարդների երկու երրորդի մահվան պատճառը: Այս եզրակացության են հանգել Օքսֆորդի համալսարանի, Չինաստանի բժշկական գիտությունների ակադեմիայի եւ Հիվանդությունների վերահսկողության չինական կենտրոնի գիտնականները, տեղեկացնում Է «Արմենպրես»-ը՝ հղում անելով BBC-ին:
Հետազոտությունները ցույց են տվել, որ Չինաստանի երիտասարդ տղամարդկանց երկու երրորդը սկսում Է ծխել մինչեւ 20 տարեկան դառնալը: Ծխելը մահվան դեպքերի կեսի պատճառ կդառնա, եթե նրանք անհապաղ չհրաժարվեն վտանգավոր սովորությունից:
Գիտնականների կանխատեսումը մխիթարական չԷ. եթե մինչեւ 2010 թվականը ծխելու հետեւանքով մահացածների թիվը հասնում Էր միլիոնի (հիմնականում նրանք տղամարդիկ են), ապա մինչեւ 2030 թվականը ծխելուց մահացությունը կգերազանցի 2 միլիոնը, եթե չինացիները չփոխեն կենսակերպը: