Գիտնականները խոստանում են խոզերին օրգանների իդեալական դոնորներ դարձնել մարդու համար

ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Ամերիկացի գիտնականները խոստացել են խոզերի օրգանները պիտանի դարձնել մարդուն փոխպատվաստելու համար: Գենային ինժեներիայի CRISPR/Cas9 նոր մեթոդի օգնությամբ նրանք բազմաթիվ գեներ են ձեւափոխել խոզերի սաղմերում, ինչը դյուրացրել Է նրանց օրգանների փոխպատվաստումը մարդու օրգանիզմում: Ինչպես տեղեկացնում Է «Արմենպրես»-ը, հայտնագործության մասին հայտնել Է Popular Science-ը՝ հղում անելով ԱՄՆ-ի Գիտությունների ազգային ակադեմիայի սեմինարում ծագումնաբան Ջորջ Չերչի զեկույցին:

Չերչի հայտնագործությունը նաեւ նոր հնարավորություններ Է ընձեռում մարդու սաղմերի գենետիկական ձեւափոխման համար (ժառանգական հիվանդությունների դեմ պայքարելու նպատակով), որի բարոյական ու բժշկական անվտանգության շուրջ գիտնականներն ակտիվորեն վիճում Էին 2015 թվականին: